Gijduvon tuman hokimi Umarov Murodjon Anvarovich. 

Manzil: 200500, Buxoro viloyati, G`ijduvon tumani, Mustaqillik ko'chasi, 2-uy 

Umarov Murodjon Anvarovich 1957-yili Buxoro viloyati, G’ijduvon tumanida tug’ilgan. Millati o’zbek, ma’lumoti oliy. 1979 yilda Toshkent to’qimachilik va yengil sanoat institutini tamomlagan. Ma’lumoti bo’yicha mutaxassisligi muhandis-texnolog.

M.A. Umarov “O`zpaxtasanoatsotish” uyushmasi raisining o`rinbosari (2000-2001), Buxoro viloyati “Paxtasanoat” aksiyadorlik birlashmasi boshqaruvi raisi (2001-2002 yy), Buxoro viloyati qishloq va suv xo`jaligi boshqarmasi boshlig`i (2002-2004 yy), Buxoro viloyati hokimining qishloq va suv xo`jaligi masalalari bo`yicha birinchi o`rinbosari (2004-2016) lavozimlarida ishlagan. 2016 yil 1 noyabran e'tiboran Gijduvon tuman hokimi lavozimida ishlab kelyapti.

2012 yilda “Shuhrat” medali bilan taqdirlangan.

M.A.Umarov oilali, 5 nafar farzandning otasi

Umumiy ma’lumot.

G`ijduvon tumani 1926 yil 29 sentyabrda tashkil etilgan. Tuman
janubda Vobkent tumani, janubiy-g`arbda Shofirkon tumanlari va shimoliy sharqda Navoiy viloyati bilan chegaradosh.

Maydoni 3,94 ming km2. Tumanda 11 ta shaharcha (shahar tipidagi posyolka), 14 ta qishloq fuqarolar yig`ini, 61 ta mahalla fuqarolar yig`ini bor. Markazi -G`ijduvon shahri.

Tabiati. G`ijduvon tumani relefi pasttekislik, iqlimi keskin kontinental. Iyulning o`rtacha harorati 30,5, yanvarniki minus 5 daraja. Vegetatsiya davri 120-130 kun. Yiliga o`rtacha 210 mm. yog`in tushadi.

Aholisi 275,1 ming kishi, asosan, o`zbeklar, shuningdek, qozoq, tatar, ukrain, ozarbayjon, tojik va rus millati vakillari yashaydi. Aholi zichligi 1 kv.km.ga 69,8 kishi to`g`ri keladi.